Тибқи талаботи банди 6 Нақшаи чорабиниҳо оид ба иҷрои дастуру супоришҳои дар паёми Президенти Ҷумҳурии Тоҷикистон 28 декабри соли 2023 “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” зикргардида, ки бо амри Президенти Ҷумҳурии Тоҷикистон аз 5 январи соли 2024, №АП-484 тасдиқ шудааст ва иҷрои талаботи Фармони Президенти Ҷумҳурии Тоҷикистон аз 22 июни соли 2023, №586 «Дар бораи тадбирҳои вусъат додани ҳисоббаробаркунии ғайринакдӣ» бо мақсади мутобиқ намудани Қонуни Ҷумҳурии Тоҷикистон «Дар бораи фаъолияти суғуртавӣ» ба талаботи қонунгузорӣ дар самти вусъат додани ҳисоббаробаркунии ғайринакдӣ лоиҳаи қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи фаъолияти суғуртавӣ» омода гардидааст.

   Қабули лоиҳа аз буҷети давлатӣ хароҷоти иловагиро талаб наменамояд.

Оқибатҳои иҷтимоии лоиҳаи мазкур:

-                     риояи муқаррароти қонунгузорӣ таъмин мегардад;

-                     сатҳи хизматрасониҳо вобаста ба фаъолияти суғуртавӣ беҳтар мегардад;

-                     низоми ҳисоббаробаркуниҳои ғайринақдӣ дар кишвар рушд ёфта, ба шаффофияти идоракунии маблағҳои шаҳрвандон ва шахсони ҳуқуқӣ дар самти пардохтҳои суғуртавӣ мусоидат менамояд;

-                     ҳуқуқвайронкуниҳо аз ҷониби субъектҳои фаъолияти суғуртавӣ пешгирӣ карда мешавад.

Оқибатҳои иқтисодии лоиҳаи мазкур:

-                     шаффофияти маблғгузорӣ ва рушди фаъолияти соҳа таъмин мегардад;

-               низоми ҳисоббаробаркуниҳои ғайринақдӣ дуруст ба роҳ монда мешавад.

Дар сурати қабул гардидани Қонуни мазкур фаъолияти субъектони соҳа дар Ҷумҳурии Тоҷикистон дар доираи талаботи қонунгузорӣ дуруст роҳандозӣ гардида, ба қисми даромади буҷети давлатӣ ворид гардидани маблағҳо, инчунин таъминоти равандаи низоми идоракунии соҳа ва баланд бардоштани маърифати ҳуқуқӣ-иқтисодии шаҳрвандон шароисти мусоид фароҳам меорад.