Бояд қайд намуд, ки айни замон амалиётҳои ҳатман назоратшаванда дар Қонуни Ҷумҳурии Тоҷикистон “Дар бораи  муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” пешбинӣ гардида, тибқи Қонуни мазкур субъектҳои ҳисоботдиҳанда уҳдадоранд дар бораи амалиёти ҳатман назоратшаванда ба мақоми ваколатдори муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом хабар диҳанд.

Қобили қайд аст, ки пешниҳоди иттилоот дар бораи амалиёти ҳатман назоратшаванд ва коркарди минбаъдаи он дар пешгирӣ ва муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом нақши муҳим дошта, аз талаботи тавсияҳои Гурӯҳи татбиқи чораҳои молиявӣ (ФАТФ) бармеоянд.  Мутобиқи қатъномаҳои 1617 (2005) ва 2462 (2019) Шӯрои амнияти Созмони Миллали Муттаҳид давлатҳои аъзо уҳдадоранд, ки тавсияҳои ФАТФ-ро амалӣ намоянд.

Дар Қонуни мазкур талабот дар бораи пеҳниҳоди маълумот оид ба амалиёти ҳатман назоратшаванда ба таври умумӣ (моддаи 19)  пешбинӣ шуда, муқаррар шудааст, ки намудҳои амалиёти ҳатман назоратшаванда ва тартиби пешниҳоди он бо дастарамали қабулнамудаи мақоми ваколатдори муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом амалӣ карда мешавад (бо фармони Президенти Ҷумҳурии Тоҷикистон аз 12 декабри соли 2017, №966 мақоми ваколатдордар ин самт Бонки миллии Тоҷикистон муайян шудааст).

Бо мавриди амал қарор гирифтани Қонуни Ҷумҳурии Тоҷикистон “Дар бораи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” дар таҳрири нав зарурати таҳия ва қабул намудани санади зерқонуние, ки намудҳои амалиёти ҳатман назоратшаванда ва тартиби пешниҳоди иттилоот дар бораи онҳоро танзим кунад, ба миён меояд.

Дар ҳолати қабул нагардидани лоиҳаи дастурамали мазкур бинобар номуайян будани намудҳои амалиёти ҳатман назоратшаванда ва механизми пешниҳоди он иҷрои талаботи Қонун доир ба хабар расонидан дар бораи амалиёти ҳатман назоратшаванда аз ҷониби субъектҳои ҳисоботдиҳанда ғайриимкон мегардад. Чунин ҳолат метавонад боиси бе назорат мондани амалиётҳо гардида, хавфҳои  қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли омро дар кишвар ба вуҷуд орад.

Илова бар ин, он метавонад ба рейтинги кишвар аз рӯи иҷрои тавсияҳои ФАТФ, низ таъсири манфӣ расонад.

Мақсади таҳия намудани лоиҳаи Дастурамали мазкур ин муайян кардани намудҳои амалиёти ҳатман назоратшаванда ва тартиби аз ҷониби субъектҳои ҳисоботдиҳанда пешниҳод намудани иттилоот дар бораи онҳо ҷиҳати пешгирӣ ва муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом мебошад

Лоиҳаи Дастурамали мазкур бо назардошти таҷрибаи байналмилалӣ ва таклифу пешниҳодҳои коршиносони Хазинаи байналмилалии асъор таҳия карда шуда, дар он чораҳои зерин мушаххасан муайян карда мешавад:

• намудҳои амалиётҳои ҳатман назоратшаванда;
• механизми пешниҳод намудани маълумот оид ба он ба мақоми ваколатдор;
• талабот оид ба нигоҳдории маҳрамияти иттилоот ва манъи ифшо намудани он.

Бо қабул гардидани лоиҳаи дастурамали пешниҳодшуда намудҳои амалиёте, ки ҳатман назорат карда мешаванд, инчунин механизми пешниҳоди иттилоот оид ба онҳо мушаххасан танзим карда мешаванд.

Бидуни қабули чунин санади меъёрии ҳуқуқӣ ҳал намудани мушкилиҳои ҷойдошта ва танзими масъалаи мазкур, инчунин иҷрои тавсияҳои ФАТФ дар ин самт ғайриимкон мебошад.

Қабули Дастурамали мазкур аз буҷети давлатӣ хароҷоти иловагиро талаб намекунад.

Оқибатҳои иқтисодии лоиҳаи мазкур дар он аст, ки бо андешидани тадбирҳои дахлдор он метавонад барои пешгирии ҷиноятҳои хусусияти иқтисодидошта ва коҳиш додани иқтисодиёти ниҳонӣ мусоидат намояд.

Оқибатҳои иҷтимоии лоиҳаи мазкур:

• пешгирӣ ва муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом;

иҷрои уҳдадориҳои байналмилалии Ҷумҳурии Тоҷикистон ва баланд бардоштани рейтинги кишвар вобаста ба амалӣ намудани талаботи тавсияҳои ФАТФ.