Мутобиқи талаботи моддаи 45 Кодекси андоз назорати низоми рамзгузории электронии молҳо, аз ҷумла молҳои зераксизӣ, бо мақсади баҳисобгирии молҳои ба ҳудуди Ҷумҳурии Тоҷикистон воридшаванда ва молҳои зераксизии дар Ҷумҳурии Тоҷикистон истеҳсолшаванда, инчунин ҷиҳати пайгирии гардиши минбаъдаи онҳо анҷом дода мешавад. Рамзгузории электронӣ як намуди шиносномаи рақамӣ мол мебошад, ки тамоми маълумоти асосиро дар бораи мол дар бар гирифта, пайгирии роҳи молро аз истеҳсол то фурӯш таъмин менамояд. Масъулият барои рамзгузории молҳои дар Ҷумҳурии Тоҷикистон истеҳсолшаванда ба зиммаи молистеҳсолкунанда, барои таъмини талаботи рамзгузории молҳои воридотӣ ба зиммаи воридкунанда ва барои ба фурӯш баровардани онҳо ба зиммаи таҳвилкунанда вогузор мегардад.

Масъулият барои рамзгузории молҳои дар Ҷумҳурии Тоҷикистон истеҳсолшаванда ба зиммаи молистеҳсолкунанда, барои таъмини талаботи рамзгузории молҳои воридотӣ ба зиммаи воридкунанда ва барои ба фурӯш баровардани онҳо ба зиммаи таҳвилкунанда вогузор гардида, назорати он аз ҷониби мақомоти андоз ва гумрук анҷом дода мешавад.  

Ба Тартиби рамзгузории электронӣ, фаъолияти операторони пайгиркунандаи гардиши молҳо ва раванди назорати онҳо, ки бо қарори Ҳукумати Ҷумҳурии Тоҷикистон аз 12 июни соли 2023, №263 «Дар бораи рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо» тасдиқ шудааст, тағйиру иловаи зерин ворид карда шаванд:

• дар банди 37 рақам ва калимаҳои «120 рӯзитақвимӣ» ба рақам ва калимаи  «12 моҳ» иваз карда шаванд;
• замимаи 4 илова карда шавад (замима мегардад).

Лоиҳа дар маҷмӯъ барои  ба танзим даровардан ва мукаммал намудани муносибатҳои соҳаи мазкур равона гардидааст. Рамзгузории электронӣ мол раванди нави рақамикунонии назорати молҳои истеҳсолшаванда ва фурухташаванда буда, шаффоф намудани бозорро тавассути пайгирии раванди ҳаракати молҳоро таъмин намуда, ба ин васила ба истеъмолкунандаи ниҳоӣ кафолати сифати мол дода мешавад. Рамзгузории электронии мол дорои сатҳи дурамзаи - Data Matrix мебошад, ки он дорои маълумоте мебошад, ки ба содагӣ аз ҷониби харидор санҷида ва назорат

Лоиҳаи қонуни  мазкур аз ҳисоби буҷети давлатӣ маблағгузориро талаб намекунад.

Оқибатҳои иҷтимоии лоиҳаи мазкур:

• сатҳи хизматрасониҳо вобаста ба рамзгузории электронӣ мол васе мегардад;
• барои баланд бардоштани ному ва нуфузи давлат, маҳсулоти ватанӣ мусоидат менамояд.

Оқибатҳои иқтисодии лоиҳаи мазкур:

• шаффоф намудани бозорро тавассути пайгирии раванди ҳаракати молҳоро таъмин менамояд.
• ба истеъмолкунандаи ниҳоӣ кафолати сифати мол дода мешавад;
• истеҳсолоти ватанӣ рушд меёбад ва маҳсулоти Ҷумҳурии Тоҷикистон дар ҷаҳон муаррифӣ мегардад.

Бо қабул гардидани лоиҳаи пешниҳодшуда назорати риояи қоидаҳои рамзгузории молҳо аз ҷониби мақомоти андоз ва гумрук анҷом дода мешавад.