Шароити ҷаҳонишавии иқтисодиёт тақвияти рушди соҳаи нақлиёт бидуни рақамикунонӣ имконнопазир мебошад. Аз ин рӯ, дар заминаи талаботи консепсияҳо, Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025 ва иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ аз ҷониби мутахассисони Вазорати нақлиёт номгӯи 26 модули рақамикунонии соҳаи нақлиёт таҳия шудааст. Низомҳои интелектуалии нақлиёт ба давлатҳои рушдёбанда имкон медиҳад, ки тафовут дар самти рушди соҳаи нақлиёт дар муқоиса бо давлатҳои пешрафта коҳиш дода шавад.

Қобили зикр аст, ки дар Ҷумҳурии Тоҷикистон ин равандҳо навоварӣ буда, пешбурд ва фаъол нигоҳ доштани он, дар заминаи сохтори мавҷуда ғайри имкон мебошад. Таъсиси сохтори мазкур дар асоси таҷрибаи Вазорати молияи Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон таҳия гардидааст.

Аз ин рӯ, таъсиси Корхонаи воҳиди давлатии “Маркази рақамикунонии соҳаи нақлиёт” мутобиқ ба талаботи байналмилалӣ барои пешбурди низом ва технологияҳои дар соҳа амалишудаистода ва минбаъд амалишаванда мувофиқи мақсад мебошад.

Агар КВД “Маркази рақамикунонии соҳаи нақлиёт” таъсис дода нашавад, пешбурди низом ва истифодаи технологияҳои муосир дар соҳаи нақлиёт дуруст ба роҳ монда намешавад.

Лоиҳаи қарори мазкур бо мақсади иҷрои Паёми Президенти Ҷумҳурии Тоҷикистон ба Маҷлисӣ Олӣ аз 26 январи соли 2021 вобаста ба рақамикунонӣ, инчунин ҷиҳати амалисозии “Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025”, ки бо қарори Ҳукумати Ҷумҳурии Тоҷикистон аз 26 октябри соли 2021, №460 тасдиқ шудааст, аз ҷониби Вазорати нақлиёти Ҷумҳурии Тоҷикистон таҳия гардидааст.

Дар лоиҳа чораҳои зерин пешбинӣ карда мешаванд:

• истифодаи самараноки техника ва механизмҳои роҳдорӣ;
• назорати сифатноки иҷрои лоиҳаҳои инвеститсионӣ;
• истифодаи самаранок ва мақсадноки маблағҳои буҷетии ба соҳаи рақамикунонии нақлиёт равона гардида;
• амалӣ намудани шиносномакунии рақамии роҳҳои автомобилгар;
• муайян намудани сохтор, тартиби ҳисоб кардан ва интишори ҳисоботи молиявӣ.

Таҷрибаи нишон дод, ки бидуни таҳияи чунин санади меъёрии ҳуқуқӣ танзими муносибатҳо вобаста рақамикунонии нақлиёт ғайриимкон мебошад.

Лоиҳаи мазкур пардохтҳои иловагиро аз буҷети ҷумҳурӣ тақозо намекунад.

Оқибатҳои иҷтимоии лоиҳаи мазкур:

• сатҳи хизматрасониҳо вобаста ба додани шаҳодатномаҳо содда мегардад;
• сифати хизматрасониҳо вобаста шиносномакунии роҳҳои автомобилгар;
• ҳуқуқҳои соҳибони воситаҳои нақлиёт ҳифз мегардад.

Оқибатҳои иқтисодии лоиҳаи мазкур:

• лоиҳаҳои инвеститсонӣ самаронок амалӣ мегарданд;
• рушди соҳаи нақлиёт дар Ҷумҳурии Тоҷикистон, аз ҷумла рақамикунонии соҳаи нақлиёт.