Мавҷуд набудани санади меъёрии ҳуқуқии дахлдор, ки раванди гузаронидани санҷиши субъектҳои фаъолияти суғуртавиро пурра ба танзим медарорад.

   Ҷиҳати риояи муқаррароти қонунгузорӣ, Бонки миллии Тоҷикистон тасмим гирифтааст, ки Тартиби мазкурро таҳия намояд.

   Дар ҳолати мавҷуд набудани чунин тартиб, талаботи қонунгузорӣ бе иҷро боқӣ монда, субъектҳои фаъолияти суғуртавӣ бе назорати соҳавӣ мемонад, ки ба рушди он таъсири манфӣ мегузорад. 

   Бонки миллии Тоҷикистон Тартибро бо мақсади риояи муқаррароти қонунгузорӣ аз ҷониби субъектҳои фаъолияти суғуртавӣ, рушди босамари бозори суғурта, инчунин барои таъсис ва нигоҳдории низоми суғуртавии устувор дар Ҷумҳурии Тоҷикистон таҳия ва қабул менамояд.

   Дар лоиҳаи Тартиб чораҳои зерин пешбинӣ карда мешаванд:

- асосҳо барои гузаронидани санҷиши субъектҳои фаъолияти суғуртавӣ;

- таъмини ҳимояи ҳуқуқу манфиатҳои қонунии суғурташавандагон, шахсони суғурташуда ва фоидагирандагон;

- риояи муқаррароти қонунгузории соҳа.

   Бонки миллии Тоҷикистон ҳамчун мақоми назорати суғуртавӣ танзими фаъолияти субъектҳои фаъолияти суғуртавиро тибқи талаботи қонунгузории соҳа ба роҳ монда истодааст.

   Таҷриба нишон дод, ки бинобар сабаби мавҷуд набудани санади меъёрии ҳуқуқии санҷиши субъектҳои фаъолияти суғуртавӣ, субъектҳои фаъолияти суғуртавӣ берун аз санҷиш монда, риоя гардидани муқаррароти қонунгузорӣ таъмин карда намешавад.

   Инчунин, набудани санади меъёрии ҳуқуқӣ оид ба санҷиши субъектҳои фаъолияти суғуртавӣ боиси поймол гардидани ҳуқуқу манфиатҳои қонунии суғурташавандагон, шахсони суғурташуда ва фоидагирандагон дар кишвар гардидааст.

  Бидуни таҳияи чунин санади меъёрии ҳуқуқӣ, ки Қонуни Ҷумҳурии Тоҷикистон “Дар бораи фаъолияти суғуртавӣ” пешбинӣ намудааст, ҳалли мушкилиҳои ҷойдоштаи соҳавӣ ва ба танзим даровардани бозори суғурта ғайриимкон мебошад.

Қабули Тартиб аз буҷети давлатӣ хароҷоти иловагӣ талаб намекунад.

Оқибатҳои иҷтимоии лоиҳаи мазкур:

• риояи муқаррароти қонунгузорӣ таъмин мегардад;
• сатҳи хизматрасониҳои суғуртавӣ ба аҳолӣ беҳтар мегардад;
• барои баланд бардоштани эътимоди суғурташавандагон ва ҳифзи ҳуқуқҳои онҳо такони ҷиддӣ мебахшад.

Оқибатҳои иқтисодии лоиҳаи мазкур:

• риояи муқаррароти қонунгузорӣ аз ҷониби субъектҳои фаъолияти суғуртавӣ таъмин мегардад;
• Диверсификатсияи дороиҳо бо роҳи сармоягузорӣ ба соҳаҳои гуногуни иқтисодиёт амалӣ мешавад;
• ба таври дуруст ба роҳ мондани раванди андозбандии субъектҳои фаъолияти суғуртавӣ таъмин мегардад;
• қонунвайронкуниҳо аз ҷониби субъектҳои фаъолияти суғуртавӣ пешгирӣ карда мешавад;
• шаффофияти пардохту ҷубронҳои суғуртавӣ назорат карда мешавад.