Тағйиру иловаҳо моддаҳои 23, 200, 202, 202², 204, 206 ва 206¹ КҶ Ҷумҳурии Тоҷикистонро фаро гирифта, инчунин ҷиҳати мушаххас намудани ҷавобгарии ҷиноятӣ барои моддаҳои сахтаъсир ба Кодекси ҷиноятӣ ворид намудани моддаҳои 206²-206⁵ дар назар дошта шудааст.

Қобили зикр аст, ки замимаи №1 Кодекси ҷиноятии Ҷумҳурии Тоҷикистон 13 ноябри соли 2023 дар таҳрири нав тасдиқ гардида, дар он номгӯй ва миқдори растаниҳои дорои воситаҳои нашъадор пешбинӣ шудааст. Бинобар ин, ба мақсад мувофиқ аст, ки дар қисми 2 моддаи 23, банди 3) эзоҳи моддаи 200 ва моддаи 204 Кодекси ҷиноятии амалкунанда калимаҳои «зироатҳои» ва «зироатҳое» мутобиқан ба калимаҳои «растаниҳои» ва «растаниҳое» иваз карда шаванд.   

Дар моддаи 202 ва 202² КҶ амалкунанда миқдори маводи нашъаовар барои ба ҷавобгарии ҷиноятӣ кашидани шахс муқаррар карда нашудааст, ки ҳангоми бандубасти ҷинояткорон монеагиҳо эҷод мекунад. Бинобар ин, дар лоиҳаи таҳияшуда ин камбудиҳо бартараф карда шудаанд.

Лоиҳаи мазкур аз 2 модда ва 10 банд иборат буда, муносибатҳо оид ба ғайриқонунӣ истеҳсол, тайёр кардан, коркард, соҳиб шудан, нигоҳ доштан, интиқол ё фиристодан бо мақсади ба соҳибияти каси дигар додан, ҳамчунин ғайриқонунӣ ба соҳибияти каси дигар додани моддаҳои заҳрнокро танзим менамояд.

Лоиҳа бо дарназардошти таҷрибаи қонунгузории давлатҳои хориҷӣ ва таҷрибаи ҷумҳурӣ доир ба ворид намудани тағйиру иловаҳо ба Кодекси ҷиноятии Ҷумҳурии Тоҷикистон таҳия гардидааст.

Дар лоиҳа чораҳои зерин пешбинӣ карда мешаванд:

- муқаррар накардани миқдори маводи нашъаовар барои ба ҷавобгарии ҷиноятӣ кашидани шахс, ки ҳангоми бандубасти ҷинояткорон дар сурати муайян набудани миқдори маводи нашъаовар монеагиҳо эҷод мекунад. Бинобар ин, дар лоиҳаи таҳияшуда ин камбудиҳо бартараф карда шудаанд;

- миқдори моддаҳои сахттаъсирро барои ба ҷавобгарии ҷиноятӣ кашидани шахс муқаррар гардидаастт, дар байни мақомоти ҳифзи ҳуқуқ ҳангоми банду басти кирдори онҳо мушкилиҳои ҷойдоштаро бартараф менамояд. Бинобар ин, дар лоиҳаи таҳияшуда ин камбудиҳо бартараф карда шудаанд.

Лоиҳаи қонуни мазкур аз ҳисоби буҷети давлатӣ маблағгузориро талаб намекунад.

Оқибатҳои иҷтимоии лоиҳаи мазкур:

• ҳангоми бандубасти ҷинояткорон монеагиҳоро бартараф менамояд. Бинобар ин, дар лоиҳаи таҳияшуда ин камбудиҳо бартараф карда шудаанд;

• дар байни мақомоти ҳифзи ҳуқуқ ҳангоми банду басти кирдори ҷинояткорон мушкилиҳои бартарф менамояд.

Окибатҳои иқдисодии лоиҳаи мазкур:

• муомилоти қонунии воситаҳои нашъадор, моддаҳои психотропӣ ё прекурсорҳоро ба танзи медарорад.

• барои муомилоти моддаҳои сахттаъсир ва заҳрнок, гирифтани иҷозатномаи дахлдорро пешбинӣ гардидааст

Бо қабул гардидани лоиҳаи пешниҳодшуда татбиқи дуруст ва яксони мукаррароти конунгузории амалкунанда оид ба муомилоти қонунии воситаҳои нашъадор, моддаҳои психотропӣ ё прекурсорҳо, моддаҳои сахттаъсир ва заҳрнок, мусоидат хохад намуд.

Бидуни ворид намудани чунин тағйиру иловаҳо ҳал намудани мушкилиҳои ҷойдошта, инчунин танзими масъалаи мазкур ғайриимкон мебошад.