Дар сурати ворид нагардидани тағйру иловаҳои дахлдор фаъолияти субъектони соҳаи мазкур дар Ҷумҳурии Тоҷикистон дар доираи талаботи қонунгузорӣ дуруст роҳандозӣ намегардад.  Тағйиру иловаҳои зерин ба қисми даромади буҷети давлатӣ ворид гардидани маблағҳо, инчунин таъминоти равандаи низоми идоракунии соҳа ва баланд бардоштани маърифати ҳуқуқӣ-иқтисодии шаҳрвандон шароисти мусоид фароҳам меорад.

Дар сурати ворид нагардидани тағйру иловаҳои дахлдор фаъолияти субъектони соҳаи мазкур дар Ҷумҳурии Тоҷикистон тибқи талаботи қонунгузорӣ дуруст роҳандозӣ намегардад.  

Вазорати молияи Ҷумҳурии Тоҷикистон тағйиру иловаҳо ба Қонуни мазкурро бо назардошти гузариш ба низоми пардохтҳои ғайринақдӣ дар кишвар, ки аз талаботи Фармони Президенти Ҷумҳурии Тоҷикистон аз 22 июни соли 2023, №586 «Дар бораи тадбирҳои вусъат додани ҳисоббаробаркунии ғайринакдӣ» ва Нақшаи болозикр бармеомад, таҳия намудааст.

Натиҷаи тағйиру иловаҳо ба Қонуни мазкур боиси он мегардад, ки низоми ҳисоббаробаркуниҳои ғайринақдӣ дар кишвар рушд ёфта, ба шаффофияти идоракунии маблағҳои шаҳрвандон ва шахсони ҳуқуқӣ дар самти гарави молу мулки манқул, инчунин баланд бардоштани рияои ҳуқуқҳои инсон ва шаҳрванд мусоидат намояд.

Вазорати молияи Ҷумҳурии Тоҷикистон ҳамчун мақоми ваколатдор пешбурди сиёсати давлатиро дар соҳаи гаравхона   ба зимма дошта, ҷиҳати таъмини иҷрои Фармон ва Нақшаи чорабиниҳои болозикр ба Қонуни Ҷумҳурии Тоҷикистон «Дар бораи гаравхона» тағйиру иловҳоро бо мақсади таъмини шаффафияти маблғгузорӣ ва рушди фаъолияти соҳа пешниҳод намуд. Бидуни таҳияи чунин санади меъёрии ҳуқуқӣ, ки аз талаботи имрӯзаи миллӣ ва байналмлиалӣ бар меояд ғайриимкон мебошад.