Барои таъмини эътимоднокии муътадили интиқоли нерӯи барқ ​​зарур аст, ки васлшавии нутаҳои пуркунии нақлиётҳои барқӣ аз ҷониби мақомоти масъули давлатӣ дар соҳаи энергетика ва шаҳрсозӣ танзим карда шавад. 

Имрӯзҳо дар Ҷумҳурии Тоҷикистон барои рушди пурраи инфрасохтори нақлиёти барқӣ як қатор монеаҳои ҳуқуқӣ мавҷуд мебошанд. Яке аз чунин монеаҳои ҳуқуқӣ ин мавҷуд набудани мақомоти давлатӣ барои танзими фаъолияти истгоҳҳои барқпуркунӣ ба ҳисоб меравад. Аз ҷумла, айни замон, дар робита ба мавҷуд набудани мақоми ваколатдори давлатӣ, истгоҳҳои барқдиҳӣ барои гирифтани иҷозатнома муроҷиат намекунанд. Мақомоти давлатӣ бояд иҷозатномаҳоро барои истифодаи истгоҳҳои барқдиҳӣ дар асоси сиёсати амалкунандаи энергетикӣ бо назардошти воқеияти иқтисодӣ ва энергетикии кишвар, аз ҷумла сарбории мавҷудаи барқии шабака, стандартҳои истгоҳҳои барқдиҳӣ ва ғайра пешниҳод намояд.

Бояд қайд намуд, ки захираҳои энергетикии кишвар маҳдуд мебошанд ва давлат бояд онро танзим намояд. Бо қабуқли қарори мазкур, фаъолияти истгоҳҳои барқпуркунии нақлиёти барқӣ ҳамчун фаъолият ичозатномашаванда муайян карда шуда,  бо назардошти воқеияти иқтисодӣ ва энергетикии кишвар, аз ҷумла сарбории мавҷудаи шабакаҳои барқии минтақаи дахлдор иқозатномаҳо дода мешаванд. 

Мақомоти давлатӣ бояд иҷозатномаҳоро барои истифодаи истгоҳҳои барқдиҳӣ дар асоси сиёсати амалкунандаи энергетикӣ бо назардошти воқеияти иқтисодӣ ва энергетикии кишвар, аз ҷумла сарбории мавҷудаи барқии шабака, стандартҳои истгоҳҳои барқдиҳӣ ва ғайра пешниҳод намояд. 

Қайд намудан зарур аст, ки вобаста ба масъалаи мазкур тибқи супориши Ҳукумати Ҷумҳурии Тоҷикистон гуруҳи кории байниидоравӣ дар назди Вазорати молияи Ҷумҳурии Тоҷикистон таъсис дода шуда, бо ҷалби намояндагони масъули вазорату идораҳо, масъала мавриди баррасӣ қарор дода шуда, қарор қабул гардид, ки бо мақсади танзими ва рушди нақлиёти барқӣ, нуқтаҳои пуркунии нақлиёти барқӣ ва сарфакорона истифода намудани неруи барқ самти мазкур танзим карда шавад.

Лоиҳаи мазкур маблағгузориро аз буҷети давлатӣ тақозо  накарда, ягон оқибати манфии ҳуқуқӣ, ҳифзи ҳуқуқ, гендерӣ, экологӣ ва коррупсиониро ба бор намеорад. Лоиҳаи мазкур ба Конститутсия ва дигар санадҳои меъёрии ҳуқуқӣ мухолифт надошта, оқибатҳои манфии иҷтимоию иқтисодӣ надошта, баръакс имконият медиҳад, ки захираҳои энергетикии кишвар сарфаконрона истифода бурда шаванд.