Қайд карда мешавад, ки дар Тартиби амалкунанда марказҳои хизматрасонии бонкии ташкилотҳои қарзии молиявӣ зери як мафҳум пешбинӣ шуда, дар амал нофаҳмоиро байни аҳолӣ ба миён меоварад. Таҷриба нишон дод, ки аскар вақт аҳолӣ ҳангоми истифодаи хизматрасонии бонкӣ аз марказҳои хизматрасонии бонкии ташкилотҳои маблағгузории хурд анҷом додани амалиёти бонкиеро талаб менамоянд, ки онҳо тибқи талаботи қонунгузорӣ ҳуқуқи иҷро намудани онро надоранд, ки ин боиси нофаҳмоӣ гардидааст.

    Бояд тазаккур дод, ки амалиёти бонкие ки аз ҷониби бонкии бонкҳо, бонкҳои исломӣ, ташкилотҳои қарзии ғайрибонкӣ, ташкилотҳои қарзии ғайрибонкии исломӣ, ташкилотҳои маблағгузории хурд ва ташкилотҳои маблағгузории хурди исломӣ анҷом дода мешаванд, аз ҳамдигар фарқ дошта бо қонунҳои алоҳидаи соҳавӣ ба танзим дароварда мешаванд.

     Аз ин рӯ, ҷиҳати мушаххас пешбинӣ намудани мафҳумҳои маркази хизматрасонии бонкӣ ва маркази хизматрасонии маблағгузории хурд, инчунин барои сари вақт ва бо сифат анҷом додани хизматрасонии бонкӣ ба муштариён ҷиҳати дар дохили бинои марказҳо ҷойгир кардани маълумот оид ба амалиёти мубодилавӣ, аз ҷумла қурби асъори хориҷӣ дар лавҳаҳои (таблоҳои) тарғиботӣ ва ҳамарӯза бо маблағи кифояи пули миллӣ ва асъори хориҷии нақд таъмин намудани онҳо, тағйиру иловаҳои дахлдор ба Тартиби таъсиси воҳидҳои сохторӣ аз ҷониби ташкилотҳои қарзии молиявӣ ва филиалҳои онҳо ворид карда мешаванд.

     Бинобар ин, қабул нагардидани қарори мазкур боиси нофаҳмоиҳо вобаста ба хизматрасониҳои бонкии марказҳои хизматрасонии бонкӣ ва марказҳои хизматрасонии маблағгузории хурд, инчунин овозаҳои беасос дар байни аҳолӣ оид ба амалиёти мубодилавӣ, аз ҷумла қурби асъори хориҷӣ мегардад.

      Мақсад аз қабули қарори мазкур - мушаххас пешбинӣ намудани мафҳумҳои маркази хизматрасонии бонкӣ ва маркази хизматрасонии маблағгузории хурд, вазифадор намудани ташкилотҳои қарзии молиявӣ барои ҷойгир намудани маълумот оид ба амалиёти мубодилавӣ, аз ҷумла қурби асъори хориҷӣ дар дохили бинои марказҳо ва инчунин ҳамарӯза бо маблағи кифояи пули миллӣ ва асъори хориҷии нақд таъмин намудани онҳо мебошад.

     Бо қарори мазкур ба Тартиби таъсиси воҳидҳои сохторӣ аз ҷониби ташкилотҳои қарзии молиявӣ ва филиалҳои онҳо тағйиру иловаҳои дахлдор вобаста ба мушаххас пешбинӣ намудани мафҳумҳои маркази хизматрасонии бонкӣ ва маркази хизматрасонии маблағгузории хурд, инчунин барои сари вақт ва бо сифат анҷом додани хизматрасонии бонкӣ ба муштариён ҷиҳати дар дохили бинои марказҳо ҷойгир кардани маълумот оид ба амалиёти бонкӣ ва бо пули нақд таъмин намудани онҳо, ворид карда шудааст.

     Тағйиру иловаҳо Тартиби мазкур бо назардошти талаботи қонунҳои Ҷумҳурии Тоҷикистон “Дар бораи фаъолияти бонкӣ”, “Дар бораи фаъолияти бонкии исломӣ”, “Дар бораи ташкилотҳои маблағгузории хурд” ва “Дар бораи санадҳои меъёрии ҳуқуқӣ” пешбинӣ гардида, ҷиҳати бартараф намудани мушкилиҳои ҷойдошта дар самти мазкур, мусоидат менамояд.

       Бо мақсади ҳалли мушкилоти зикргардида, аз тарафи Бонки миллии Тоҷикистон корҳои зерин анҷом дода шуданд:

• Фарқияти маркази хизматрасонии бонкӣ ва маркази хизматрасонии маблағгузории хурд, инчунин амалиёти бонкие, ки аз ҷониби онҳо анҷом дода мешавад ба аҳолӣ фаҳмонида дода шуд;
• Ба ташкилотҳои қарзии молиявӣ барои пешгирӣ ва роҳ надодани овозаҳои беасос дар байни аҳолӣ, ҷиҳати дар дохили бинои марказҳои хизматрасонии бонкӣ ҷойгир кардани маълумот оид ба амалиёти мубодилавӣ, аз ҷумла қурби асъори хориҷӣ бо таври айёнӣ, шаффофу фаврӣ дар лавҳаҳои (таблоҳои) тарғиботӣ дастур дода шуд;
• Инчунин барои сари вақт ва бо сифат анҷом додани хизматрасонии бонкӣ ба муштариён, аз ҷумла аҳолӣ ба ташкилотҳои қарзии молиявӣ дастур дода шуд, ки ҳамарӯза марказҳои хизматрасонии бонкии худро бо маблағи кифояи пули миллӣ ва асъори хориҷии нақд бо дарназардошти ҳаҷми талабот ба амалиёти бонкӣ ва хизматрасониҳо, хусусиятҳои хоси маҳалли ҷойгиршавӣ ва реҷаи кории онҳо таъмин намоянд.

     Қабули қарори мазкур аз буҷети давлатӣ хароҷоти иловагӣ талаб намекунад. Дар сурати қабул гардидани қарори мазкур нофаҳмоиҳо байни аҳолӣ вобаста ба хизматрасониҳои бонкии марказҳои хизматрасонии бонкӣ ва марказҳои хизматрасонии маблағгузории хурд аз байн рафта, ташкилотҳои қарзии молиявӣ вазифадор мегарданд, ки барои сари вақт ва бо сифат анҷом додани хизматрасонии бонкӣ ба муштариён,  инчунин ҷиҳати  пешгирӣ ва роҳ надодани овозаҳои беасос дар байни аҳолӣ дар дохили бинои марказҳои мазкур маълумотро оид ба амалиёти мубодилавӣ, аз ҷумла қурби асъори хориҷӣ бо таври айёнӣ, шаффофу фаврӣ дар лавҳаҳои (таблоҳои) тарғиботӣ  ҷойгир ва онҳоро  ҳамарӯза бо маблағи кифояи пули миллӣ ва асъори хориҷии нақд таъмин менамоянд. Дар маҷмуъ қабули қарори мазкур боиси беҳтар шудани сатҳи хизматрасониҳои бонкӣ мегардад.