Бо қарори Ҳукумати Ҷумҳурии Тоҷикистон аз 23 июни соли 2020, №374 ба банди 4 Тартиби гузаронидани лотереяҳо дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 июли соли 2002, №274 тасдиқ гардидааст, тағйиру иловаҳо ворид гардида, қабул намудани Қоидаҳои лотереяи электрониро ба зиммаи Вазорати молияи Ҷумҳурии Тоҷикистон вогузор намудааст.

Чунончӣ, тибқи меъёри мазкур Қоидаҳои гузаронидани лотереяи электронӣ, ки бо истифода аз технологияҳои иттилоотию коммуникатсионӣ, шабакаи интернет ва ё технологияҳои дигари нав анҷом дода мешавад, аз тарафи Вазорати молияи Ҷумҳурии Тоҷикистон дар мувофиқа бо мақоми ваколатдори давлатӣ дар соҳаи танзими низоми иҷозатдиҳӣ ва мақоми ваколатдори давлатӣ дар соҳаи алоқаи барқӣ муқаррар карда мешавад.

Аз ин лиҳоз, зарурати  қабули Қоидаҳои мазкур ба миён омадааст.

Мақсади асосии лоиҳа ин дар амал татбиқи намудани  қарори Ҳукумати Ҷумҳурии Тоҷикистон аз 3 июли соли 2002, №274 тибқи талаботи қонунгузорӣ ва дар сатҳи зарурӣ ба роҳ мондани гузаронидани лотереяҳои электронӣ дар Ҷумҳурии Тоҷикистон мебошад.

Мақсади дахолати давлат ин танзими муносибатҳои ҷамъияти дар самти мазкур, ҳифзи ҳуқуқҳоу озодиҳои инсон ва механизми амалӣ гардонидани лотереяҳоро, ки бо истифода аз технологияҳои иттилоотию коммуникатсионӣ, шабакаи интернет ва ё дигар технологияҳои нав анҷом дода мешавад, равона гардидааст.

Натиҷаи лоиҳа, ки тибқи қарори мазкур таҳияи гардидааст, боиси он мегардад, ки ҳар як довталаби гирандаи шаҳодатнома муроҷиат менамояд, пас аз бевосита ба Буҷети давлатӣ пардохт намудани маблағҳои дахлдори шаҳодатнома кушиш ба харҷ намедиҳад, ки ба шахсони алоҳида, шахсони мансабдор ва ё ҳамагуна шахсони миёнарав амалӣ муайянеро анҷом диҳад.

Бояд тазаккур дод, ки ҷорӣ намудани механизми мазкур боиси то як сатҳи назаррас паст намудани ҳолатҳои ба миён омадани омилу сабабҳои характери коррупсионидошта ва ҳамагуна кирдорҳои номатлуб мегарданд.

Бидуни таҳияи санади меъёрии ҳуқуқии мазкур, тавсифи роҳҳои ҳалли мушкилот ва ноил гардидан ба мақсад гузошташуда дида намешавад. Бо дар назардошти рушди интернет ва технологияҳои иттилоотию коммуникатсионӣ ягона роҳи ҳалли мушкилот қабули санади меъёрии ҳуқуқии дахлдор ба ҳисоб мазкур мебошад.

Қабули лоиҳаи мазкур аз буҷети давлатӣ хароҷоти иловагиро талаб наменамояд.

Оқибатҳои иҷтимоӣ ва иқтисодӣ:

Дар сурати қабул гардидани қоидаи мазкур тавре зикр намудем, ҳар сол дар натиҷаи гузаронидани иқдоми лотереявӣ дар Ҷумҳурии Тоҷикистон маблағи муайян барои гирифтани шаҳодатнома ба қисми даромади буҷети давлатӣ ворид карда мешавад.