Дар амалӣ намудани муносибатҳои ҳифзи муҳити зист мушкилотҳои зерин ҷойд дорад:

1. Номувофиқати дар амалӣ намудани ваколатҳо

Имрӯз дар самти ҳифзи муҳити зист зиёда аз 15 санади меъёрии ҳуқуқӣ қабул карда шудааст, ки дар амалӣ намудани он мақоми ваколатдори давлатӣ дар самти ҳифзи муҳити зист ба мушкилиҳо дучор мегардад. Дар баробари ин иҷрои босамар ва пурраи он аз ҷониби мақомоти давлатӣ ба як қатор мушкилиҳо оварда расонидааст.

2. Бартараф намудани номутобиқатӣ

Бо мақсади дар як санади ягон ва ба низом даровардани санадҳои меъёрии ҳуқуқӣ дар самти ҳифзи муҳити зист амалкунанда, зарурати дар шакли кодификатсия таҳия намудани санади мазкур гардидааст.

Дар сурати наандешидани ягон амал иҷрои вазифаҳо ва ҳадафҳое, ки аз Консепсияи сиёсати ҳуқуқии Ҷумҳурии Тоҷикистон барои солҳои 2018-2028 ва Стратегияи миллии рушди Ҷумҳурии Тоҷикистон барои давраи то соли 2030, ки бо қарори Ҳукумати Ҷумҳурии Тоҷикистон аз 1 октябри соли 2016, №392 тасдиқ шудааст, бе натиҷа мемонад. Мақоми ваколатдори давлатӣ ҷиҳати омода намудани лоиҳа вазифадор мебошад.

Мақсад аз дахолати давлат ин беҳдошти вазъи санитарӣ-эпидемиологии аҳолӣ, муайян ва татбиқи чораҳои ҳатмӣ экологӣ, ҷорӣ намудани стандартҳо ва мутобиқати техникӣ объектҳои экологӣ, танзими муносибатҳо бо партовҳо ва таъмини амнияти экологӣ, ҷорӣ намудани низоми ҳатмӣ аз арзёбии таъсир ба муҳити зист, рушди фарҳанги экологӣ, баҳодиҳии ҳаҷм ва хатари партовҳо ва дастрасӣ ба иттилооти экологӣ иборат мебошад.

Дар лоиҳаи санади меъёрии ҳуқуқӣ чораҳои зерин андешида мешавад:

1. Танзими ҳуқуқу уҳдадориҳои шахсони воқеӣ ва ҳуқуқӣ дар муносибатҳои экологӣ;
2. Танзими арзёбии экологӣ;
3. Гузаронидан аз экспертизаи экологӣ;
4. Баланд бардоштани маърифати экологӣ ва дастрасӣ ба иттилоотӣ экологӣ;
5. Танзим ва муқаррар намудани талаботҳои алоҳида ба объектҳои муайяни экологӣ.

Бояд қайд намуд, ки лоиҳа дар маҷмӯъ баҳри танзим намудани соҳа, мукаммал ва бо низом даровардани санадҳои меъёрии ҳуқуқӣ соҳаи мазкур равона гардида, бидуни таҳияи лоиҳаи мазкур имконнопазир мебошад.

Омода намудани лоиҳаи мазкур аз буҷети давлатӣ хароҷоти иловагиро талаб намекунад. Пас аз қабули лоиҳаи мазкур ҷиҳати амалӣ намудани меъёрҳои Кодекси мазкур аз ҳисоби маблағҳои ҷудогардидаи буҷети ҷумҳуриявӣ ва буҷети маҳаллӣ амалӣ карда мешавад.

Оқибатҳои иҷтимоӣ дар сурати қабули лоиҳаи мазкур:

- баланд бардоштани маърифати экологӣ аҳолӣ;

- иштироки бевоситаи ҷамъият дар экспертизаи экологӣ;

- кафолати таъмини иштирок дар мониторинги экологӣ;

- таъмини дастрасии бевосита ба иттилоотӣ экологӣ.

Оқибатҳои иқтисодӣ лоиҳаи мазкур:

- таҳия ва татбиқи механизмҳои нави иқтисодии ҳифзи муҳити зист;

- ҷорӣ намудани ҳавасмандгардонии иқтисодӣ ва иҷтимоӣ барои истифодаи пурраи партовҳо аз тарафи шахсони воқеӣ ва ҳуқуқӣ;

- арзёбии иқтисодӣ объектҳои ҳифзи муҳити зист;

- маблағгузории объектҳои экологӣ;

- ташкили экспертизаҳои давлатии экологӣ;

- ҷорӣ намудани бамеъёрдарории экологӣ;

- танзими сертификатсияи экологӣ;

- додани иҷозатномаҳо дар соҳаи экологӣ;

- ташкили гузаронидани аудити экологӣ.