Рақам 60
Таҳиякунандаи лоиҳаи санади меъёрии ҳуқуқӣ Вазорати рушди иқтисод ва савдои Ҷумҳурии Тоҷикистон
Доираи шахсоне, ки амали санади меъёрии ҳуқуқӣ ба онҳо паҳн мегардад Муаллифон, ихтироъкорон ва соҳибкороне, ки дар муносибатҳо вобаста ба гирифтани ҳуҷҷати муҳофизати, расмиёти бақайдгирии ихтироъ, намунаи саноатӣ ва тамғаи молӣ иштирок менамоянд.
Муҳлати таҳияи лоиҳаи санади меъёрии ҳуқуқӣ 01.08.2022
Муҳлати қабули санади меъёрии ҳуқуқӣ 01.09.2022
Намуди санади меъёрии ҳуқуқӣ Қарор
Номи санади меъёрии ҳуқуқӣ бо забони тоҷикӣ Қарори Ҳукумати Ҷумҳурии Тоҷикистон «Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 ноябри соли 2007, №546»
Номи санади меъёрии ҳуқуқӣ бо забони русӣ Постановление Правительства Республики Таджикистан «О внесении изменений и дополнений в постановление Правительства Республики Таджикистан от 2 ноября 2007 года, №546»
Мӯҳлати қабули пешниҳодҳо 30.07.2022
Тавсифи мушкилот, ки барои ҳал намудани он қабули санади меъёрии ҳуқуқӣ зарур аст ва оқибатҳои эҳтимолии он дар ҳолате, ки агар ягон амал андешида нашавад

Мушкилиҳо вобаста ба истифода бурдани истилоҳҳо ва муайян намудани муҳлат ҷиҳати пешниҳоди хуҷҷати муҳофизати вуҷуд доштанд. Яъне меъёрҳо вобаста ба муҳлати  бақайдгирии ихтироъ, намунаи саноати ва пешниҳод намудани ҳуҷҷати муҳофизати муқаррар нашуда буд. Инчунин ба лоиҳа бо мақсади ба танзим даровардани муҳлати амали ҳуҷҷати муҳофизатӣ барои ихтирооте, ки ба маводи доруворӣ, пеститсидҳо ва моддаҳои кимиёвии кишоварзӣ дахл дорад бандҳои нав илова шудааст.

Ҳамзамон,  тибқи лоиҳаи мазкур дар маҷмӯъ андозаи пардохтҳои ҳатмӣ тақрибан 10 фоиз коҳиш дода шудаанд, ки ин барои ҳавасмандгардонию дастгирии муаллифон, ихтироъкорон ва дорандагони ҳуҷҷатҳои муҳофизатӣ мусоидат намуда, истилоҳоти қарори амалкунанда ба қонунҳои соҳавӣ мутобиқ шуд ва камбудиҳои имлоӣ, техникӣ ва ҳуқуқӣ бартараф шудаанд.

Бидуни таҳияи чунин санади меъёрии ҳуқуқӣ, ки Қонунҳои Ҷумҳурии Тоҷикистон “Дар бораи ихтироъ”, “Дар бораи намунаҳои саноатӣ”, “Дар бораи тамғаҳои молӣ ва тамғаҳои хизматрасонӣ” пешбинӣ намудааст, ҳалли мушкилиҳои ҷойдоштаи соҳавӣ ва ба танзим даровардани масъалаҳои содда ва ягонагардонии талаботҳо барои гирифтани ҳуҷҷати муҳофизатӣ, расмиёти бақайдгирии ихтироъ, намунаи саноатӣ ва тамғаи молӣ ғайриимкон мебошад.

Баёни мухтасари мақсади дахолати давлат дар робита ба мушкилоти муайяншуда

Мақсади асосии таҳияи лоиҳаи мазкур содда ва ягонагардонии талаботҳо барои гирифтани ҳуҷҷати муҳофизатӣ, расмиёти бақайдгирии ихтироъ, намунаи саноатӣ ва тамғаи молӣ, инчунин, барои ҳавасмандгардонию дастгирии ихтироъкорон, соҳибкорон ва дорандагони ҳуҷҷатҳои муҳофизатӣ мебошад.

Тавсифи чораҳо, ки дар лоиҳаи пешниҳодшудаи санади меъёрии ҳуқуқӣ пешбинӣ карда мешавад

Лоиҳаи мазкур чораҳои зеринро пешбинӣ менамояд:

  • муқаррар намудани муҳлат барои бақайдгирии ихтироъ, намунаи саноати ва додани ҳуҷҷати муҳофизатӣ;
  • пешбинӣ намудани муҳлати дароз барои нигаҳдории эътиборнокии патент ба ихтироъ;
  • пешбинӣ намудани муҳлати дароз барои нигаҳдории эътиборнокии нахустпатент ба ихтироъ.
Тавсифи роҳҳои ҳалли мушкилот ва ноил гардидан ба мақсадҳои гузошташуда, ки таҳиякунанда баррасӣ намуда буд (бидуни таҳияи санади меъёрии ҳуқуқӣ)

Лоиҳа дар маҷмӯъ барои  ба танзим даровардан ва мукаммал намудани муносибатҳои соҳаи мазкур равона гардидааст.

Аз ҷониби таҳиякунанда чунин чораҳо (бидуни таҳияи санади меъёрии ҳуқуқӣ) андешида шудаанд:

  • фаҳмондадиҳӣ байни шахсони воқеӣ ва ҳуқуқие, ки дар муносибатҳои зикргардида иштирок менамоянд;
  • ташкили мизи мудаввар иштироки соҳибкорон ва ихтироъкорон.
Арзёбии мухтасари хароҷоти буҷети давлатӣ ва оқибатҳои иҷтимоию иқтисодӣ дар сурати қабули санади меъёрии ҳуқуқӣ

Лоиҳаи қарори мазкур аз ҳисоби буҷети давлатӣ маблағгузориро талаб намекунад.

Оқибатҳои иҷтимоии лоиҳаи мазкур:

  • сатҳи хизматрасониҳои вобаста гирифтани ҳуҷҷати муҳофизатӣ, расмиёти бақайдгирии ихтироъ, намунаи саноатӣ ва тамғаи молӣ беҳтар мегардад;
  • барои баланд бардоштани эътимоди муаллифон, ихтироъкорон ва соҳибкорон ва ҳифзи ҳуқуқҳои онҳо такони ҷиддӣ мебахшад;

Оқибатҳои иқтисодии лоиҳаи мазкур:

  • дар натиҷаи ҳифзи ҳуқуқ ва хавасмангардонии соҳибкорон ва ихтироъкорон бахши иқтисодӣ ва саноатии кишвар рушд меёбад;
  • истеҳсол ва содироти технологияҳои муосир зиёд мегардад.
Санаи анҷом додани машваратҳои оммавӣ бо тарафҳои манфиатдор 30.07.2022
Қабул шуд барои коркарди лоиҳа Ҳа
Хулосаи/Замимаи ММҚ N00060-MMK-#60.pdf
Тамоси таҳиякунанда н. И. Сомони, Бохтар 37, 2215132, info@medt.tj
Санаи нашр 29.06.2022
Дастрас он-лайн